Tresau roman de Pèire Bèc (1921-2014) en gascon. L'autor, professor a l'universitat de Peitius, qu'ei un especialista deus màgers de literatura e de lenga d'òc. Que particpèc a la fondacion de l'Institut d'Estudis Occitans e a la Commission de Normalizacion Lingüistica de l'Aranés.

Cobèrta d'Alan Kaiser.

Don de Maurici Romieu, capdau de l'Escòla Gaston Febus - Edicions Reclams

Avantdíser:

Amic legeire que t'avertishi. que trobaras aquiu va istòria hera romantica, un drin retro, e mes tristassa. se non t'agrada, tanleu lejudas las prime ras paginas, deisha-la. Senon, seguish-la dinc a la fin. un còp que sias embroishat peu men raconte, ne'u poderas pas mes quitar, e las malenconias e lo malandrer de Sebastian que t'empacharan mes d'un còp - au mens que m'ac esperi -, d'este completament satisfeit de tu medish. Mes un còp tançat lo libre, e passat l'adirer de las brembanças arrebohadas, que tornaras benlheu trobar en tu, com en un temps d'abans lo viver, la beutat fosca d'un ceu assadorat d'estelas.