"Lo darrièr roman publicat del vivent de Joan Bodon (en 1974), e que ne voliá far l’òbra de sa vida.

Aquel roman istoric se passa al sègle XVII. Seguissèm l'itinerari aventurós de Pèire Vaissièr, que part de son Roergue natal cap a las Cevenas ont la Guèrra dels Camisards se desencadena, puèi duscas en Argeria ont finirà esclau e castrat.

"Que La Quimèra siá un roman istoric fa cap de dobte... mas es tanben un 'roman occitanista', amb sas tèsis d'aparar, sovent vesadoiras, tròp vesadoiras, d'unes diguèron. Que La Quimèra, aquò's pas solament lo raconte d'un moment de l'epopèa camisarda, mas atanben la mesa en perspectivas largas d'un fracàs lingüistic, a fil dels sègles, entre l'Edat mejana dels trobadors, citats mai d'un còp dins lo libre, e lo temps de l'escriure, quand l'escrivan, sol amb çò que li demòra d'aquela lenga perduda, contunha, testard, son òbra de testimòni, contra totes e tot." (Felip Gardy)

Trobaretz tanben a la fin del volum d'Entresenhas e una Cronologia dels eveniments mençonats dins aqueste libre e de los que seguèron (1632-1711) per Joan Bodon,  mai una cronologia corteta de la vida de Joan Bodon per Cantalausa."

Edicions de Roergue.